Puxte: Di afirandin û îcrakirina kilamên dengbêjiyê de, cihê jinan tê romantîzekirin û hebûna kilamên bi devê jinan hatiye nivîsandin bêyî analîzek an lêkolîneke wekî ku ji aliyê jinan hatibe afirandin tê nirxandin. Ev angaşt ji aliyê vê nivîsê ve tê redkirin. Ji dêvla vê, ev nivîs metodolojiyekê pêşniyaz dike ji bo diyarkirina kilamên jinan. Bikaranîna zimên ya li gor cinsiyetê dikare alîkariyê bike dema kesek li kilamên jinan digere. Loma, îhtimala hebûna zimanê jinan bi kurtasî tê gotûbêjkirin. Dê du kilam bi vê metodolojiyê bên analîzkirin. Sansura li ser kilamên jinan, romantîzasyona di ser dengbêjiyê re tê meşandin hildiweşîne. Dengbêjî jî wek gelek formên din li ser kokên bavkanî bisazî bûye, loma deriyê wê heta ser piştê ji jinan re ne vekirî ye. Dengbêjiya jinan bi patronaja mîran nehatiye palpiştkirin. Loma ew tenê di warê dengbêjiyeke amator de mane. Hebûna (ku hebe) kilamên jinan ya di vê çandê de encama mîkro-têkoşîna dengbêjên jin e.
Peyvên sereke: femînîzîm, zayenda civakî, dîroka devkî, dengbêja jin, zimanê jinan.