Puxte: Rabêja neteweperwer dema ku xwe saz dike bi qasî ku li hemberî derve, êdinê xwe terîf dike, hundirê “xwe” jî ji nû ve terîf dike. Yek ji van terîfên hundirîn, a derbarê zayendên civakî de ye. Li gor terîfa nû dabeşkirina rolan û peywirên civakî tên destnîşankirin. Di rabêja neteweperwer a kovara Hawarê de dabeşkirina rolan bi piranî li ser hîmên kevneşopî yên malbatî hatiye kirin. Welat bi teswîrên hezkirî an keçeke bedew ku xîtabî hestên erotîk ên mêran dikin hatiye erotîzekirin an wek dayik û xweh hatiye teswîrkirin ku xîtabî berpirsiyariyên mêran ên malbatî bikin. Bi vî awayî peywirên welatparêziyê bo mêran hatine aşînakirin. Herweha, mêr wek kirde, jin jî wek waneya arezûya mêran rolên wan hatine dupatkirin. Di vê serdema pêşmodern de mînakên wek C. A. Bedirxan û Cegerxwîn jî hebûn ku derketine derveyî kevneşopan.
Peyvên sereke: rabêja neteweperwer, Kovara Hawarê, jin, welat.