Zeynel Doğan wek sînemagerekî ku li Amedê dest bi sînemayê kiriye,
berhem afirandine û niha li şaredariyê di beşa sînemayê de dixebite û
wek endamekî lijneya Akademiya Sînemayê ya Rojhilata Navîn li Amedê
yek ji berpirsên pêşîn ê kar û xebatên warê sînemayê de ye. Lewma
nêrînên wî û tiştên wê ji me re bêje, bo me girîng bû û lazim bû pê re
hevpeyvînek dirêj bihata çêkirin. Me bi giştî derbarê sînemaya kurdî de
pê re sohbeteke dûr û dirêj kir.
– Tu yek ji endamên lijneya Akademiya Sînemayê ya Rojhilata Navîn î. Tu dikarî
hinek qala xebatên akademiyê bikî û niha ciyê wê çi ye di sînemaya kurdî de?
– Akademiya Rojhilata Navîn wek navendekê ye ji bo xebatên sînemayê li bakur. Ji
ber ku niha li cîhanê sînema gelek pêş ketiye û gelek berhemên sînemayê derdikevin.
Kurd jî wisa difikirin, dibêjin eger ku em çîrokên xwe bi awayekî dîtbar nîşan nedin,
ev çîrok dimrin diçin, winda dibin û derdê me heye, gelek problemên me jî hene,
xema me heye ji bona vê em ê serê xwe bi van biêşînin. A din jî çêkirina fîlman, tiştên
dîtbar ji bo me muhîm in…..
Fexriya Adsay
Li Dêrika Mêrdînê hatiye dinyayê. Lîsansa xwe li Enqerêyê li Zanîngeha Rojhilata Navîn ya Teknîkî (METU) de beşa dîrokê de qedandiye. Li Zanîngeha Dicleyê ya Diyarbekirê di beşa sosyolojiyê û li Zanîngeha Mêrdînê ya Artukluyê di beşa Ziman û wêjeya Kurdî de master kiriye. Pirtûka wê Yezidi Kadınlar: Kültürel Sınırların Edilgen Taşıyıcıları sala 2014an de ji aliyê weşanxaneya Avestayê ve hatiye çapkirin. Ji îngilîzî bo tirkî û kurdî wergeran dike. Email: fadsay021@gmail.com