Puxte: Li gor teorîsyenê rûs Mîxaîl Baxtîn her gotin, her kelam, her gotar ji bo gotin û kelam û gotarine din bersivek in. Her gotin bersiva gotina berî xwe ye û gotina piştî xwe bi xwe re tîne. Heger bersiveke berî wê tunebe jî, gotin bersivekê texmîn dike û xwe saz dike, bi heman awayî hewl dide gotina piştî xwe jî texmîn bike. Ev yek wek teorîsyenê diyalogê di teoriya Baxtîn de cihekî girîng digire. Ev nivîsar angaşt dike ku di bingeha xebatên Baxtîn de jî ev motîvasyon heye û wî xebatên xwe wek bersivên aşkere an nepen rexsandine. Em ê di vê çarçoveyê de li ser hin xebatên wî bisekinin bê ka ji bo çi nivîskar an saziyê bersivek in. Anku em ê li hin diyalogên Baxtîn ên ligel hin kes û saziyan binerin, di ber vê yekê re em ê diyalogên kurt bi kurdî û romana kurdî re dayinin.
Peyvên sereke: Baxtîn, bersiv, diyalog, ziman, roman.