Cemîl Canbegî: Em karin bibêjin te Pirça Winda li malê Bernayîyên Demê li bajêr nivîsandîyî?
Mihemed Şarman: Herdu jî li malê hatin nivîsin.(J) Çîrokên Pirça Winda dema ku li Batmanê mamoste bûm hatin nivîsin; Bermayîyên Demê li Şirnexê. Herdu jî bajar tên qebûl kirin. Ger em pîvanên bajar û bajarvanîyê pişt guh bikin û vê yekê tenê bi pênasekirineke fermî ve gîrê bidin. Helbet dem û mekanê nivîsê tesîrek dike li ser nivîsê, lê dem û mekanê mirov ne yek e bi min, du heb in, sê, an çar? Dem û mekanê ku tu (beden) bi awayekî lê dijî, dem û mekanê ku (rih) li kolan kuçeyan digere hwd. Pirça Winda de rihê min li gund digerîya, Bermayên Demê li qesabayê. Mirov çiqas dizane gelo kengî ev dem û mekan dibin yek kengî ji hev dûr dikevin? Dûrketina van parîyek hêz dide nivîsê; tu di vê navbera vê mesafeyê de diçî û tê; li pey xwe li paş xwe dinêrî, belkî tam di vê erefê de jixwe hêvîya nivîsên baş bike an dîkî.
Di Pirça Winda de çirokên fantastik pevxistinên derasayî hene, hem mijar hem jî şêweya wan ji hev cuda ne, gelo şêweya Mihemed Şarman kîjan e?
…………………….