Puxte: Bi Rojavayîbûyînê re civakek dikeve nav veguherîneke cuda û dînamîk. Di vê veguherînê de vebijêrk sê ne. Civak, an pişta xwe dide rûdanên nûjen, li pey astengiya nûtiyê diçe û ji kevneperestiya xwe tawîz nade, an kêm-zêde li ber xwe dide lê dîsa jî nikare bergiriyeke teqez li hemberî wê ava bike û di navberê de dimîne. An jî entegrasyona xwe ber bi temambûyînê ve dibe. Di vê serêhatiyê de civak, li ber deriyê Rojavayê (şaristanî, nûjenî) ye û bona ketina hundir, heweskarê guhertina hin kevneşopiyên xwe ye. Ev yek jî, bivê nevê bandora xwe bi ser gelek waran de destnîşan dike. Yek ji wan qadên sereke jî wêje ye. Ev nivîs, di riya rojavayîbûna Rûsyayê de li ser pêwendiya roman û civaka Rûsî kûr dibe. Ji bo vê mebestê jî romana Oblomovê ji xwe re wek mînak digire û bi awayekî berawirdî him analîza Oblomovê dike him jî li ser geşedanên sosyo-polîtîk ên civaka Rûsyayê, ku têkildarî mijara Oblomovê ne, disekine.
Peyvên Sereke: Rojavayîbûyîna Rûsî, Oblomov/îtî, mirovê bêkêr, nûsazî