Author: Mutlu Can

1978 de dewa Gimgimî Kemerê Hemgînî (Mûş) de maya xo ra bî. Gama ke panc serreyî bî seba wendişî erşawîya Îzmîr. Mektebo verên, mîyanên û lîse Îzmîr de wendî. Dima ra Unîversîteya Anadoluyî ra mezun bî. 2015 de Şaxê Mayzanistê Ziwan û Kulturê Kurdan yê Unîversîteya Artukluyî de masterê bêtezî temam kerd. Nika eynî şaxê unîversîte de wendakarê masterê bitezî yo û tezê xo nuseno. Tayê kovaran û rojnameyanê Kurdkî (kurmanckî-kirmanckî) de xebat û nuşteyê ey weşanîyayî. 2015 de beşê MAUZEMî ye Unîversîteya Artukluyî de bi perwerdeyê dûrî kursê kirmanckî dayî. Heta girewîyayîşê ey Jîyan TV de sey edîtor xebitîya, bi mêmanîya daîmî ya mamosta M. Malmîsanijî amadekarî û pêşkêşkarîya programê Vîr û Ziwanî ke 20 beşê ey ancîyay kerde. Dîyarbekir de ciwîyeno û roja dîyê çeleyê 2017î de destpêkerdişê weşanê Rojnameyê BASî ra heta nika nê rojnameyî de sey edîtorê beşê kirmanckî û rojnameger xebitîno.

Kirmanckî (zazakî) lehçeyanê tewr kehenan yê Kurdkî ra yew a û heyf ke panc lehçeyanê Kurdkî mîyan ra aya ke warê nuştişî de tewr erey ca girewto zî ancîya na lehçe ya. Ma ke metnê folklorîkî ke hetê Peter Lerchî ra arê dîyayê û mabênê serranê 1856-1858 de Rûsya de weşanîyayê bidê hetêk vînenê ke tarîxê weşanîyayîşê eserê verên yê kirmanckî 1899 o. Mela Ehmedê Xasî (1867-1951) na serre de bi nameyê Mewlîdê Kirdî yew eser nuseno.  Seke fehm beno kitabo verên o ke lehçeya kirmanckî de nusîyayo yew esero dînî yo. Bîyîşê Pêxamberî yê Usman Efendîyê Babijî (1852-1929) ke hetê…

Read More