Nirxandineke Rexneyî li ser Fikrên Abdullah Ocalan ên Derbarê Neteweperwerîyê de
MISTEFA DEWLEMEND
Puxte: Serokê PKKê Abdullah Ocalan bi taybetî piştî pêvajoya zindanîkirina xwe ya li Girava Îmralîyê dest bi rexnekirina fikra netewe, neteweperwerî û netewe-dewletê kir û li şûna van fenomenan fikrên mîna Modernîteya Demokratîk, Civaka Demokratîk, Neteweya Demokratîk û Komara Demokratîk wekî alternatîf pêşnîyar kirin. Ocalan neteweperwerîyê -herwisa netewe-dewletê jî- wekî dijminê sereke yê demokrasî, azadî û aşitîyê û wekî sedem û çavkanîyên hemû desthilatî, tundî, şer û pevçûn, asîmilasyon, zayendparêzî, kuştin, komkujî û bêaramîya di nav civakê de bi nav dike. Lê bi rastî jî neteweperwerî wekî ku Ocalan behs dike, tiştekî gelekî xerab e û ji bo civakê qet alîyên wê yên baş tunene? Di vê xebatê de di çarçoveya piralîbûn, fonksîyonelbûn û pirjimarîya neteweperwerîyê de dê bi awayekî rexnekirina fikrên Ocalan bersiva vê pirsê û pirsên bi vê yekê re têkildar in, dê were dayîn. Di xebatê de nivîs û berhemên Ocalan wekî çavkanîyên sereke hatine wergirtin û ji bo ji sûbjektîfbûnê dûr bisekinim, bi piranî ji gelek çavkanîyên taybet ên li ser neteweperwerîyê sûd wergirtîye.
Peyvên Sereke: Netewe, neteweperwerî, Abdullah Ocalan, rexne