Puxte: Mîxaîl Mîxaîlovîç Baxtîn (1895-1975) yek ji teorîsyenên giring ên sedsala bîstem e. Xebatên wî ji felsefeyê, fenomenolojiyê, heta dîroka çandê, antropolojî û zanista edebiyatê belav dibin. Teoriya wî ya karnavalê di nav xebatên wî de cihekî giring digire. Li vir bi wateya berteng bi tenê karnavalên normal, ne mijara Baxtîn e; herwiha şahî û pîrozbahiyên bi wî rengî jî mijarên wî ne. Baxtîn di karnavalên normal û di şahînetên di rengê karnavalê de, ji hêla civakî ve ruhekî dijber û hêzeke şoreşgerane dibîne. Li gorî wî di karnavalê de hiyerarşî dihên şikenandin, rutbe tên betalkirin û ji her koma civakê mirov bi awayekî serbest tên ba hev. Di vê nivîsarê de em ê pêşî bi awayekî kurt behsa feraseta Baxtîn a karnavalê bikin û dûre jî hin gengeşeyên li ser hin aliyên wê hilsengînin.
Peyvên sereke: Karnaval, Stalînîzm, hiyerarşî, dêr, şiddet, Femînîzm