Destpêk
Hesen Zîrek le gundî Hermêley ser be şarî Seqiz le nêw renc û azarî hejarî da çawî be rûnakîy dunya heldênê û her le seretay jiyaniyewe têkel be erk û zehmetî karekerî debê; û serbarî hemû emane le temenî 12 salî da, mergî babî ewendeytir dile biçkolanekey birîndar dekat û doxî bêpenayî xoy û daykî awarey şarî Seqiz dekat. Paş mirdinî babî Hesenî mêrmindal, daykî şû dekatewe û Hesen le bêkesî da rû dekatewe gundî Hermêle û le berdestî ew axayey babî meyterî bo kirdibû; û be hoy lêhatûyiyewe naznawî Zîrekî pê dirabû, dirêje be rencorî dedat. Herçende her le temenî tazelawî da hest û henasey naskî xo denwênê û awazî dengî dîwexanî axa û gewrekan derazênêtewe, belam rohî serbizêwî Hesen doxî koyleyî debezênê û be têkhelçûn le gel axa, xoy awarey şar û gundekanî Kurdistan dekat. Paş maweyek wekû şagird şofîrî Mînexanî Erdelanî Seqiz le rêgay Seqiz-Bane dest be karkirdin dekat, belam le rûdawêkî pêkdadan da mindalêk dekujê û Hesen le tirsan xoy awdîwî sinûr dekat û le şarî Bexda degîrsêtewe…..