Puxte: Şî’r wekû baqî hunerekanî dîke peywendî be komelgawe heye û nakirê be bê gorankarî le doxe siyasî û komelayetiye çeqbestuwekan da çawerwanî goran le nawerok û formî şî’rît hebê. Le layekî dîkewe herçî asoy xwêndinewe û bînînî şa’îran firawantir buwe, ziyatir twanîwiyane gorankarî le şî’r da bedî bênin. Yekem destey şa’îranî Kurd be karîgerîwergirtin le doxî sepawî siyasî û komelayetîy Êran û Kurdistan nawerokî şî’ryan gorî û nawerokî nwê niyazî be zimanêkî taze bo derbirîn û formî tazetir bo bîçimgirîn wek şêwazêkî hunerî bû. Ew hewlane le serdemî meşrûtewe destî pê kird. Le serdemî Reza Xan da perey girt û le çaxî Komarî Mehabad da biwar bo xûyabûnî ziyatirî rexsa, belam paş Komar be hoy perewazebûnî çalakanî ew biware û daxiranî fezay komelayetî û siyasî be rûy Kurdistan da, ta çend deye dway ewîş şî’r û edebî kurdî tûşî bêdengî bû. Le deyey şestî mîladiyewe be hewlî polêk xwêndkarî nwêbîr û nwêxwaz, be tewawî şî’rî kurdîy ew beşey Kurdistan le biwarî ziman û formewe nwê kirawe.
Wişe serekiyekan: Şî’rî Nwê, goranî komelayetî, mêtodî hawbeş, qutabxaney mukiryan, şî’rî rasan, desthelat