Puxte: Ev gotar rola dîasporaya kurd a Swêdê di avakirina nasnameyeke Kurdistanî de nîqaş dike. Pirçandxwaziya swêdî ji hêla siyasî ew derfet daye dîasporaya kurd ku kariye nasnameyeke siyasî ya xurt bi pêş bixe ku li hember cudahiyên îdeolojîk, dînî, erdnîgarî û lîngûîstîk li pey yekîtiya kurd e. Piştî koçberbûnê, kurdên ji parçeyên cuda yên Kurdistanê gelek caran tên dereke siyasî ya hevpar li Swêdê, ku dikarin li wir hevparî û cudahiyên xwe gotûbêj bikin. Dîasporaya kurd, li Swêdê li navbera demajoyên tevgirtin û dergirtinê diçe û tê û gelek kurd têgihîştine ku ji ber ku ji Rojhilata Navîn in û paşxaneya wan ne-ewropî ye, ew nikarin li Swêdê statuya welatîbûneke yeksan bi dest bixin. Tevî ku ew asîmîlasyonê wek tehdîdekê dibînin ji bo nasnameya siyasî û çandî, dîsa jî hewl didin bi bizavên siyasî yên civaka swêdî re bilebikin û bi vî awayî hem dikarin ji bo kurdên li Swêdê û hem jî ji bo yên li Rojhilata Navîn şertên jiyanê baş bikin.
Peyvên sereke: dîasporaya kurd, nasnameya kurdistanî, swêd, hemwelatî.