Romanê Denîz Gunduzî Kalaşnîkof, bi sereştişê (erşawitişê) Beşê III û IX yê xebata Walter Benjamînî Termê Tarîxî Ser o dest pêkeno. Benjamîn Beşa III. de behsê ci keno ke, nuştoxê tarîxî, tarîxî ra senî ewnîyeno; “Tu serebûtêk seba tarîxî vîndîbîyaye nêhesibîyeno. Oxro ke ancax merdim tîyo ke xelisî- yayo eşkeno bi umûmîyet vîyarteyê xo rê wayîr vejîyo.”1Beşa IX de zî behsê tabloyê resam Paul Kleeyî, ke nameyê xo Angelus Novus o keno Benjamîn. No tabloyê meleketêk o. Benjamîn seba tûvalo ke tablo de yo de, behsê rewşê tarîxî yo ke dûrî beno û vîndî keno ra pey no tesbîto balkêş keno: “Çîyê ke ma rê sey yew rêzila serebûtan asenê, o sey yew felaketêk vîneno, felaketêko enkazê înan bêvindertiş têsere beno û erzîyeno verê lingan. Melekete waş- têne ke tikêna vindero, merdeyan ganîkerdiş, parçeyê şikiteyan reyna ardiş pêser…”2Gunduz nê di pasajan vernîyê romanî de ronayîşî de neheq nîyo, zîra temaya romanî tam zî no parçebîyayîş û vîndîbîyayîşê tarîxî ser o yo. Kalaşnîkof, romanê nêxelisîyayeyan, merdimê ke tarîxê xo, kulturê xo, ziwanê xo verê vîndîbîyayîşî de yê, bi vatişê Deryus Shayeganî, “merdimê ke erzî- yayê teberê tarîxî” yo…..
Abdullah Çelik
1977 de qezayê Amedî Pasur de ameya dina. Seba ke wendişê xo dewam bikero 1984 de keyeyê înan bar kerdo û şîyê Dêrsimî. Mekteba mîyanin û lîse Dêrsim de wendo, dima 1996 de Amed de tahsîlê unîversîte kerdo û ewcade beşa bîyolojî qedêno. 2000 ra bi na het nêweşxa¬ne de xebetyeno. Serra 2013 de Ziwan û Kulturê Kurdan yê Unîversiteya Artuklu de dest bi lîsansê berzî kerd. Sera 2009 de kitabê şiir “Büyük Geçit” û Serra 2010 de kitabê çaxî “Bıçak Sırtında” vejiyo. 2010 î ra pey heni dest bi nuştişê kirmancki kerd. Nuşteyê, êye hem tırkî hem zî kirmancki Şewçila, Mühür, Esmer Kürtür, Kitap Zamanı, Birikim, Kalem, Varlık, Taraf Kitap’e de weşanîyayî. Email: acelproust@hotmail.com