Puxte: Judith Butler, yek ji dengên xurt ên rexneyî ye ku bersiv daye peyikandina perspektivên psîkoanalîtîk û Marksîst di analîza subjektîvîteyê de. Ev nivîsar dixwaze nîşan bide ku bînaxwaziya radîkal ya Butler û teoriya rexneyî ya ku piştgiriya determînîzma lîngûîstîk dike, ji hev cuda ne. Heke em zimên wek warê şerê îdeolojiyan û kontekstê jî wek cihê ku tê de ji suje pirsiyarî tê kirin (interpellated) bihesibînin, em dikarin bibêjin têgeha Butler ya “fail” û têkiliya wê ya bi zimên re, dema fail nasnameya xwe ji nû de ava dike, rê li ber azadiyeke rêlatîvîst vedike. Li gor têgeha Lacan ya suje, suje nikare nasnameya xwe ava bike ji ber ku Sembolîk bivênevê bandorê li ser suje dike. Ji bo Butler tiştê herî girîng têkiliya fail ya bi zimên re ye, û pozisyona fail ya di konteksteke paşbinyadger de jî ji bo wê girîng e. Nêrîna Butler ya li ser zimên mînakeke kêmpeyda ya rexneya hemdem e û dişibe lêkolîna zimên ya li gor doktrîna bînaxwaz.
Peyvên sereke: Determînîzma lîngûîstîk; bînaxwazî; fail; ziman; jêpirsiyarîkirin; subjektîvîte